Главната сила на тимот на Белгија е во нападот, но добро ги познаваме противниците, но тоа не ни дава предност ниту на нас, ниту на нив пред полуфиналниот натпревар.
Ова го изјави францускиот селектор Дидие Дешамп на прес-конференцијате пред натпреварот. Утре (вторник) во 20:00 часот е натпреварот помеѓу двата тима.
„Да, ние ги познаваме многу добро, но и тие не познаваат исто толку добро. И тешко може некој да извлече предност од тоа. Белгијците имаат напаѓачки тим и тие покажуваа таков стил во текот на целиот турнир до овде. Во натпреварот со Бразил тие покажаа дека можат да играат добро и во одбраната, особено на крајот на натпреварот. Исто така дека можат да ја контролираат многу добро средината на теренот, но главната закана што ја носат, е од нападот “, рече Дешамп. Тој истакна дека целиот тим на Франција е подготвен за средбата и во нивните редови нема повредени и болни. „Само дадовме одмор на четворица играчи, за да бидат свежи за утрешниот натпревар, но повредени немаме”, заврши селекторот на „триколорите“.