Напаѓачот на ПСЖ, Анхел Ди Марија не ја криеше радоста по убедливата победа од 3:0 над неговиот поранешен клуб Реал Мадрид.
„Дадовме се од себе на овој натпревар и тоа беше совршен резултат за нашата екипа. Трчавме многу и ја заслуживме оваа победа. Моравме да го постигнеме посакуваниот резултат, без разлика дали играат Нејмар, Мбапе и Кавани. Тимот мора да продолжи да работи со правилен стил и да одржува концентрација на секој натпревар, бидејќи овие средби се многу важни за нас“, изјави Ди Марија.