Паоло Дибала сака да добие поголема плата од Пол Погба во Манчестер Јунајтед, што би можело да го спречи трансферот на овој играч во составот на „црвените ѓаволи“.
Се шпекулира дека напаѓачот ќе биде дел од договорот што ќе го донесе Ромелу Лукаку во Јувентус, но поради неговите високи барања, ова може да не се случи. Според весникот „Сан“, Дибала сака да заработува 350.000 фунти неделно, што веројатно нема да го прифати Манчестер Јунајтед, кој му плаќа 300 000 фунти неделно на Пол Погба.
Манчестер Јунајтед со задоволство би се засилил со Дибала, кој знае дека нема иднина во Јувентус и исто така зака да замине, но јасно дека финансискиот дел од договорот е најголем проблем затоа што на „Олд Трафорд“ има ограничувања откако не успеаа да се квалификуваат во Лигата на шампионите. Барањата на Дибала може да го вратат Интер во битка за Лукаку, откако првично оваа екипа беше фаворит за ангажманот на Белгиецот.