Вториот капитен на Јувентус, Пауло Дибала ќе остане и понатаму во дресот на Јувентус, а веќе е најавено дека ќе продолжи со тренинзите утре, објави „Скај Спорт Италија“.
Аргентинецот имаше истегнување на бутот на натпреварот против Сампдорија и ги пропушти последните два натпревари на својата екипа против Челзи (1:0) и Торино (1:0). Поради повредата, Дибала го пропушти и натпреварите од светските квалификации на Аргентина. Напаѓачот веќе се опорави и ќе му биде на располагање на главниот тренер на Јувентус, Масимилијано Алегри, како подготовка за дербито против Рома на 17 октомври.
Од друга страна денес беше објавено дека Дибала постигна договор со Јувентус и дефинитивно е ставено крај на сите дилеми околу неговата иднина.
Според медиумите од Торино, Аргентинецот останува во клубот, а новиот договор се очекува да биде потпишан со важност до 2026 година. Тој пристигна во 2015 година од Палермо, неговата цел е да биде странец со најдолг стаж во Јувентус, да го собори рекордот на Давид Трезеге. Пауло Дибала ќе го добие најголемиот договор во Серија А. Според договорот, тоа се 10 милиони евра плус бонуси, што е некаде во границите на она што тој го посакуваше.