Напаѓачот на Атлетико Мадрид, Диего Коста им порача на своите пријатели дека следна негова фудбалска дестинација е Милано. Ова се случи по испаѓањето на Атлетико Мадрид од Лигата на шампионите. Неговиот договор со клубот истекува следното лето.
Сепак, не е јасно во која екипа од Милано, Милан или Интер. Се верува дека „росонерите“ бараат напаѓач кој ќе биде резерва на Златан Ибрахимовиќ.
На Интер ќе му треба нов играч на оваа позиција во случај да го продадат Лаутаро Мартинез. Поранешниот шпански интернационалец веќе играше под водство на Антонио Конте, додека беа дел од екипата на Челзи. Сепак, играчот имаше доста расправии со тренерот, по што се врати во шпанската престолнина по втор пат во Атлетико.
Оваа сезона, 31-годишниот Коста одигра 30 натпревари, во кои постигна 5 гола и 5 асистенции.