Диего Коста се враќа во составот на Атлетико (Мадрид) по повредата која ја имаше , а ќе биде подготвен за дербито против Барселона во сабота и ќе се обиде да стави крај на лошата серија против шампионот и во првенството на Шпанија оваа сезона.
Напаѓачот нема постигнато гол на 18 натпревари во „Ла Лига“, а за последен пат се запиша во листата на стрелци против Севиља во февруари. Атлетико Мадрид, кој го зазема третото место во „Ла Лига“, е домаќин на Барселона на 24 ноември во дербито на 13-то коло.
Коста нема постигнато гол во кариерата против Барселона. Тој се врати на тренинг во вторникот. Дефанзивецот Диего Годин ќе го пропушти натпреварот поради повреда на бутниот мускул.