Добрите настапи во текот на првиот дел од сезоната во „Ла Лига“ му донесоа перманентен договор на македонскиот репрезентативен голман Столе Димитриевски со Рајо Ваљекано.
Неговиот сегашен клуб и официјално синоќа потврди дека на крајот на овој траснфер период ја искористил опцијата во договорот и го откупија нашиот интернационалец, потпишувајќи договор до 2022 година.
Димитриевски сезоната ја почна како резерва, но ја искористи понудената шанса на крајот од минатата година и стана незаменлив на голот на Рајо Ваљекано. Неговата екипа од почетокот на оваа календарска година игра одлично и забележа четири победи на последните пет натпревари.
Димитриевски беше еден од најзаслужните за овие победи и со тоа стана миленик на навивачите на оваа екипа кои се одлучија да потпишуваат петиција за негов откуп. Сумата за откупувањето на Димитриевски не е објавена од страна на двата клуба.