Барселона најверојатно ќе се раздели со двајцата француски дефанзивци во текот на летото – Лука Дин и Самуел Умтити, објавија локалните медиуми. Дин кој не влезе во плановите на тренерот, Ернесто Валверде, има можност да замине во Јувентус.
24-годишниот фудбалер беше ангажиран на „Камп Ноу“ од тимот на Париз Сен Жермен во летото во 2016 година за 16,5 милиони евра. Тој во тековнава сезона одигра 19 натпревари на кои постигна 1 гол и имаше 1 асистенција. Ситуацијата е различна со централниот дефанзивец, Самуел Умутити. 24-годишниот натпреварувач преговара за обновување на неговиот договор а целата ситуација ја следи Реал Мадрид.
„Кралевите“ сакаат да ја активираат клаузулата за Французинот во вредност од 60 милиони евра и да му понудат три пати поголема плата. Манчестер Јунајтед исто така е заинтересиран за него.