Англискиот шампион Ливерпул за само два дена промовираше и второ ново име во своите редови, станува збор за португалскиот фудбалер Диого Жота.
23-годишното крило доаѓа од редовите на Вулверхемптон. Детали на зделката не се објавени, но медиумите во Англија велат дека „црвените“ овој трансфер ќе ги чини 50 милиони евра, вклучувајќи ги и бонусите.
Жота беше во Вулверхемптон од 2017 година и на 111 натпревари постигна 33 гола. Претходно, во кариерата го носеше дресот на Порто, Атлетико Мадрид и Пакош Фереира. Португалецот треба да ја зголеми конкуренцијата во нападот, каде веќе англискиот шампион ги има Салах, Мане, Фирмино и Минамино.
Вчера, Јирген Клоп во својот тим го доби како засилување Тиаго Алкантара од редовите на Баерн Минхен како и претходно Костас Цимикас од Олимпијакос.

