Младата ѕвезда на ПСЖ Килијан Мбапе објави дека се враќа на тренинзите на својот тимот. Фудбалерот ја постави објавата на Твитер во која се наведува дека ќе се врати во полн тренежен процес во својот тим за неколку дена. Ова значи дека Французинот може да биде во составот на ПСЖ за дуелот во Лигата на шампионите следната недела.
Пред само неколку недели, можно беше сите три супер ѕвезди на тимот да ја пропуштат средбата со Реал Мадрид која се игра на 18 септември. Нејмар е казнет на три натпревари, а Кавани исто така беше повреден, но се врати на тренинзите оваа недела.
Менаџерот Томас Тухел може да здивне малку бидејќи има реални шанси барем две ѕвезди од својот тим да бидат дел од оваа средба која ќе се игра на „Паркот на принцовите“. Исто така во комбинација ќе биде и новото засилување Мауро Икарди.