Ерлинг Халанд ќе ја заврши сезоната во Премиер лигата на Англија со постигнати 70 гола доколку продолжи да постигнува голови со ова темпо и ако игра на сите натпревари, пишува „Скај Спортс“ во анализа на учинокот на норвешкиот напаѓач со тимот на Манчестер Сити.
Халанд, кој синоќа постигна два гола против Севиља во Лигата на шампионите, има десет голови во Премиер лигата и пропушти 55 минути во сите натпреварувања. Тој забележа два последователни хет-трика против Кристал Палас и Нотингем Форест.
Норвежанецот има просек од 1,86 гола по натпревар и е водечки стрелец во најдобрите пет европски лиги меѓу играчите кои биле на теренот повеќе од 108 минути. Конкуренција му се само Александар Митровиќ, Иван Тони, Хари Кејн и Вилфрид Заха, но Халанд е двојно подобар од сите други. Тој има четири гола повеќе од предвиденото за него во лигата и има постигнато десет пати со само 15 прецизни удари – еден гол на 1,5 шут.
Интересно е тоа што Халанд постигна речиси 100 проценти од неговите удари по левата страна од голот – пет удари од шест обиди. Половина од головите ги постигнува во средината на голот и во десниот агол. Доколку ја задржи моменталната форма и игра на секој натпревар, Халанд ќе постигне 70 гола оваа сезона. Тој би го срушил рекордот на Мохамед Салах од 32 гола во 38 натпревари за Ливерпул.