Македонскиот фудбалски интернационалец Дориан Бабунски и официјално е нов член на Дебрецин од Унгарија. 25-годишниот напаѓач својата кариера ќе ја продолжи во тимот на Дебрецин, каде што настапува неговиот повозрасен брат, Давид.
Дориан Бабунски во унгарскиот прволигаш доаѓа од редовите на Ботев Враца од Бугарија каде што имаше одлична полусезона, постигнувајќи десет гола и три асистенции на 18 натпревари.
„Голема чест е што можам да се приклучам на овој клуб. Се чувствувам подготвен да му помогнам на тимот, верувам дека заедно ќе имаме големи успеси. За првпат играм фудбал во ист клуб со брат ми и тоа исто така ќе ми биде нешто посебно“, рече изјави Дориан Бабунски во разговорот за Спортско радио 90,3 по неговата промоцијата во дебрецин.
Бабунски со новиот клуб потпиша договор на две и пол години. Благодарение на одличните настапи во бугарскиот тим, во ноември доби и деби-повик од слекторот Милевски во А-репрезентацијата на Македонија.

