Селекторот на канадската фудбалска репрезентација Џон Хердман го коментираше натпреварот на Светското првенство во Катар 2022 година со репрезентацијата на Белгија (0:1).
„Ја направивме земјата горда. Моите играчи денеска покажаа зошто сме тука. И нашите навивачи беа неверојатни. Видовме дека сме фудбалска нација. Целта беше да се игра без страв и прво да се постигне гол. Не успеавме, но навистина сум горд на моите играчи. Мора да продолжиме да се држиме заедно и да веруваме во успех. Се надевавме дека пеналот ќе ни помогне да напредуваме. Горд сум на тоа како Алфонсо Дејвис ја презеде одговорноста во време кога цела земја чекаше гол. Бевме блиску до отворање на резултатот, но тоа не беше наш ден. Тибо Куртоа е добар голман… Имавме шанси, но противниците имаа голман на Реал Мадрид на голот… Имавме многу шанси, не можам да се пожалам. Сега треба да го оставиме овој натпревар зад себе, да научиме од него и да ги истакнеме позитивните страни. Ни претстои важен натпревар против Хрватска. Идните противници ќе не почитуваат, сигурен сум во тоа “, изјави селекторот на Канада.
Светското првенство во Катар е второ во историјата за канадската репрезентација. Во следните натпревари Канаѓаните ќе се сретнат со селекциите на Хрватска и Мароко.