Поранешниот капитен на Челзи и англиски фудбалски репрезентативец Џон Тери ја заврши својата кариера и ќе биде телевизиски коментатор, објави „Мирор“.
37-годишниот дефанзивец во моментов е слободен агент по минатогодишниот настап во втората лига во тимот на Астон Вила. Тој одлучи да стави крај на фудбалската кариера , но нема да работи како тренер, туку ќе ги покаже своите квалитети на телевизија.
Спортскиот канал „Скај спортс“ понудил да го ангажира Џон Тери во својот тим како фудбалски аналитичар и експерт на местото на Тиери Анри, кој сака да се фокусира на тренерот професија.
Џон Тери ја помина речиси целата своја професионална кариера во Челзи, за кој одигра 717 натпревари, а притоа постигна 67 гола во периодот 1998-2017 година.
Со Лондончани тој ја освои пет пати титулата во Премиер Лигата и ФА Купот на Англија , додека Лига купот го освои три пати. Супер Купот на Англија го освои двапати, а по еднаш беше носител на трофејот во Лигата на Шампионите и Лигата на Европа.