Дефанзивниот играч на Вест Бромвич Албион Џони Еванс ќе се пресели во екипата на Лестер Сити, пренесува „Skyports“.
Поранешниот централен дефанзивец на Манчестер Јунајтед се согласил да премине во редовите на „лисиците”, а потоа била активирана и ослободувачката клаузула на фудбалерот во вредност од 3 милиони фунти. Оваа клаузула во договорот на играчот стана активна по испаѓањето на ВБА од Премиер лигата.
Џони Еванс премина во Вест Бромвич од Манчестер Јунајтед во текот на летото на 2015-та година, кога Луис ван Гал одлучи дека нема потреба од услугите на дефанзивецот. Тој има 70 натпревари и два погодока за неговиот национален тим, три титули во Англија, две титули во Лига купот и Светското клубско првенство 2008 година.
Еванс беше поврзуван со трансфер во Арсенал и Манчестер Сити во текот на последните неколку трансфер периоди, но на крајот поранешниот играч на „црвените ѓаволи” ќе ги брани боите на Лестер од следната година.