Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Домашен микс»Елена Мицковска е нов член во ИО на Светската федерација на училишен спорт
    Домашен микс

    Елена Мицковска е нов член во ИО на Светската федерација на училишен спорт

    risteBy riste21/07/2026No Comments2 Mins Read
    Facebook Twitter Pinterest LinkedIn Tumblr Email

    Историски момент за македонскиот спорт. Претседателката на Федерацијата на училишен спорт на Македонија, Елена Мицковска, направи голем и значаен чекор за афирмација на нашата земја на меѓународната спортска сцена.

    Со гордост ве известуваме дека Македонија за првпат доби свој претставник во Извршниот одбор (највисокиот орган на управување) на Светската федерација на училишен спорт (ISF), што претставува големо признание за досегашната работа, но и потврда за напредокот и развојот на училишниот спорт во нашата држава.

    На Генералното изборно собрание, кое се одржува во Белград, а на кое присуствуваат претставници од земјите членки од целиот свет, Елена Мицковска ја претстави својата програма, визија, мисија и цели за иднината на училишниот спорт.

    Нејзината визија и посветеност беа препознаени од земјите членки, како и од резибраниот претседател на ISF, Жељко Танасковиќ. Мицковска во следните четири години ќе биде дел од највисокиот орган на управување во Светската федерација на училишен спорт.

    Од првиот ден на чело на Федерацијата на училишен спорт на Македонија, Мицковска работи посветено на унапредување на спортот кај младите преку поголемо учество на меѓународни натпревари, развој на нови проекти и воведување светски стандарди во училишниот спорт.

    Македонија веќе се етаблираше како сериозен и зрел партнер на Светската федерација на училишен спорт. Доказ за тоа е успешната организација на Светското училишно првенство во ракомет, кое беше одржано во нашата земја и доби високи оценки од сите учесници.

    Во своето обраќање пред земјите членки, Мицковска истакна дека Македонија е држава која силно верува во моќта на спортот, особено кога станува збор за развојот и иднината на младите генерации.

    Како потврда за таа заложба, ги посочи поддршката и значењето на големите спортски проекти, меѓу кои Светското училишно првенство во ракомет и Плазма Спортските игри за млади, зад кои застанаа претседателката на Република Македонија, Гордана Сиљановска-Давкова, премиерот на Владата на Република Македонија, Христијан Мицкоски, и министерот за спорт, Борко Ристовски.

    Новата улога на Елена Мицковска во Светската федерација на училишен спорт претставува уште едно признание за македонскиот спорт и можност гласот на Македонија уште посилно да се слушне на меѓународната сцена.

    Генералното Собрание при ИСФ продолжува и во текот на утрешниот ден на кој ќе бидат донесени нови одлуки.

    Share. Facebook Twitter Pinterest LinkedIn Tumblr Email

    Related Posts

    Македонија се запиша во историјата на Младинските олимписки игри Дакар 2026

    16/11/2026

    Ален и Адријан Рустемовски од утре ги започнуваат натпреварите на ЕП ви бокс У-23

    16/11/2026

    Украинецот Захариев е освојувач на 55. „Златен Гонг“

    15/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.