Новиот менаџер на Арсенал, Унаи Емери изјави дека „топчиите“ ги чека една навистина тешка сезона по поразот на домашен терен од Манчестер Сити со 2:0.
„Манчестер Сити со својата презентација покажа дека треба да продолжиме да работиме и да се подобруваме. Резултатот е заслужен. Ние сме нов тим на кој му треба време за развој. Разочарани сме и има многу работи што можеме да ги направиме подобро. Мислам дека сезоната ќе биде доста тешка за нас“, порача Емери.