Македонскиот каратист Емил Павлов освои златен медал на натпреварот од карате 1 премиер лигата во Салцбург, Австрија.
По тој повод Агенцијата за млади и спорт организираше прием, на кој освен Павлов, присуствуваше неговиот тренер и селектор на репрезентацијата Сашко Арсовски, како и претседателот на карате федерацијата Горан Милковски.
Директорот на Агенцијата за млади и спорт Дарко Каевски нагласи дека Агенцијата стои на располагање за сите потреби на Емил Павлов, и ќе ги овозможи сите потребни услови за одржување и подигање на формата за наредните настапи во Баку и ЕП во Париз, од каде се очекува обезбедување на норма за настап на ОИ во Токио.
„Емил е пример како еден спортист треба да се однесува, и за нас е еден од најуспешните спортисти во државава“, истакна Каевски.
Пет победи во пет борби, од кои во борбата за злато Емил Павлов направи пресврт во последните секунди и успеа да го добие натпреварот со кој стигна до златен медал.
Во момемтов Павлов е седми на Европската ранг листа, и за да обезбеди пласман на ОИ ќе мора да се избори најмалку за бронзен медал на претстојното ЕП, кое од 8-10 мај ќе се одржи во Париз.