Селекторот на Шпанија Луис Енрике одговараше на новинарски прашања поврзани со играчи кои не беа вклучени во составот на репрезентацијата на Шпанија за претстојните натпревари во Лигата на нации.
„Медиумите секогаш се заинтересирани за оние кои не се во составот. Лесно можам да зборувам за Серхио Рамос и Јаго Аспас, но избрав 25 играчи кои ги сметам за најпогодни за конкретните натпревари. Ги ценам различните мислења. Заедно со остатокот од персоналот постојано ја анализираме ситуацијата“, прокоментира Луис Енрике.
„Рамос и Аспас беа дел од тимот. Ме познаваат како што ги знам јас нив. Без сомнение тие можат да се вратат. Мило ми е што Серхио повторно игра откако минатата сезона го мачеа повредите. Сега е на теренот на секои три дена. Можам да кажам многу работи на оваа тема, но мислам дека го повикав најдобриот игра на неговата позиција“, објасни шпанскиот селектор.