Норвешкиот напаѓач на Манчестер Сити, Ерлинг Халанд има постигнато повеќе голови во Премиер лигата и Лигата на шампионите на УЕФА оваа сезона од целиот тим на Борусија Дортмунд.
Халанд оваа сезона веќе постигна 13 гола во сите натпреварувања, додека целата екипа на Борусија Дортмунд постигна само 12 гола во овој период.
Вчера се одигра натпреварот од 2.коло од групната фаза на Лигата на шампионите, во кој Манчестер Сити на стадионот „Етихад“ ја пречека Борусија Дортмунд. Победата во натпреварот ја прославија „граѓаните“, а Халанд го постигна победничкиот гол, со што му нанесе пораз на поранешниот клуб.
Голот на Халанд беше во 84. минута од средбата по асистенција на на Жоао Кансело. По постигнувањето на голот, напаѓачот не само што реши да не го прослави постигнатиот гол, кој на крајот му донесе три бода на неговиот тим, туку и се извини на германските навивачи.