Откако ги објави своите индивидуални награди за минатата сезона во Премиер лигата, „Би-Би-Си“ го откри и идеалниот тим, кој фановите го избраа по пат на гласање на веб-страницата на престижните медиуми.
Не е изненадување што играчите на убедливиот лидер Ливерпул имаат целосна доминација во него. Ливерпул е преставува од седум играчи – Алисон Бекер, Трент Александар-Арнолд, Вирџил ван Дајк, Ендру Робертсон, Џордан Хендерсон, кој исто така беше избран за Играч на сезоната, Мохамед Салах и Садио Мане. Манчестер Сити има двајца играчи во идеалниот состав – Кевин Де Бруин и Серхио Агуеро. Другите двајца се централниот дефанзивец на Лестер, Сојунчу и новојлијата во Манчестер Јунајтед, Бруно Фернандез. Португалецот досега има само пет одиграни натпревари во Премиер лигата, но навивачите го вклучија во идеалниот состав.
Еве го тимот во формација 4-3-3:
Алисон, Александар-Арнолд, Ван Дајк, Сојунчу, Робертсон; Де Бруин, Хендерсон, Фернандез, Салах, Агуеро, Мане