Би-Би-Си состави тим од најдобрите играчи во актуелната сезона во англиската Премиер лига, според проценките на навивачите. Секој фудбалер мораше да одигра најмалку девет натпревари во првенството.
Еве како гласаа фановите: Голман: Арон Рамсдејл (Арсенал). Дефанзивци: Тарик Лампти (Брајтон), Шејн Дафи (Брајтон), Вирџил ван Дијк (Ливерпул), Ендрју Робертсон (Ливерпул). Играчи од средниот ред: Конор Галагер (Кристал Палас), Деклан Рајс (Вест Хем Јунајтед), Н’Голо Канте (Челзи). Напаѓачи: Мохамед Салах (Ливерпул), Мајкл Антонио (Вест Хем), Каи Хаверц (Челзи).
Интересно е дека на списокот нема ниту еден играч на лидерот Манчестер Сити како и големата ѕвезда на Манчестер Јунајтед, Кристијано Роналдо.