Фудбалската федерација на Македонија обезбеди бесплатен влез за младите фудбалери на натпреварот Македонија – Шкотска вечерва од 20:45 часот на Националната арена „Тодор Проески“.
Бесплатно ќе можат да присуствуваат фудбалерите од Детската лига и фудбалските школи, како и пионерите, помладите пионери, кадетите и младинците, во придружба на своите тренери.
Младите фудбалери ќе бидат сместени на западната трибина. Оваа поволност ќе важи и за останатите натпревари на македонската репрезентација во актуелниот циклус.

