Раководството на Фиорентина сака да ја задржи својата ѕвезда Федерико Киеза по секоја цена. Виолетовите ќе понудат нов договор на младиот фудбалер во февруари, подготвени се дури и да ја дуплираат неговата плата, само за да го убедат да остане на „Артемио Франки“.
22-годишниот Киеза е еден од најбараните на трансфер пазарот во Италија. Со неговите добри игри, тој го привлече вниманието на гигантите кои чекаат на ред за неговиоѕ потпис. Се верува дека тој е во плановите за трансфер на Интер и Јувентус, како и на клубови надвор од Италија.
Синот на Енрико Киеза е производ на школата на Фиорентина и има силна почит и љубов кон клубот што го изгради како фудбалер. Сепак, лошите резултати и недостатокот на перспектива за трофеи на „Артемио Франки“, можат да го натераат да размисли пред да потпише со Виолетовите.
Досега Киеза има одиграно 128 натпревари, постигнато 25 голови и 20 асистенции со екипата на Фиорентина во сите натпреварувања.