Фиорентина на својата официјална веб-страница го потврди назначувањето на Џузепе Јакини за главен тренер на тимот.
Тренерот ќе започне да работи со тимот веднаш. Во текот на денот, тој ќе го направи својот прв тренинг по враќањето во клубот. Да потсетиме, Јакини претходно беше тренер на Фиорентина. Тој го водеше тимот во 2019 година и доби отказ во ноември 2020 година.
После тоа, Чезаре Прандели застана на чело на „виолетовите“, сепак, вчера клубот информираше дека Прандели поднел оставка, а клубот ја прифати. Фиорентина има само три победи на последните 10 натпревари во Серија А. По 28 кола, се наоѓа на 14-тото место на табелата со 29 бода.

