Тренерот на Баерн Минхен, Ханзи Флик не ја криеше радоста по пласманот во полуфиналето од Лигата на шампионите, откако неговиот тим ја совлада Барселона со 8:2. Тој откри како дојде неговата екипа до оваа неверојатна победа и го истакна настапот на Томас Милер.
„Знаевме дека ако го ставиме противникот под притисок, шансите ќе дојдат. Има многу врвни играчи во нашата екипа кои одговорија на задачите. Сега мора да ги наполниме батериите и да се фокусираме на следниот натпревар, кој ќе започне од 0:0″, рече Флик.
„Томас Милер беше заслужено избран за играч на натпреварот. Тој го даваше тонот во нашата угра. Сепак, морам да го пофалам целиот тим затоа што во текот на целиот натпревар одржувавме високо ниво на перформанси”, додаде тренерот на Баварците.
Во полуфиналето Баерн ќе се соочи со победникот од вечерашниот натпревар Манчестер Сити – Олимпик Лион.