Репрезентацијата на Франција успеа да ја совлада Аргентина на отварањето на елиминациската фаза од Мундијалот во Русија.
Во ефикасен натпревар кој заврши со победа на Франција од 4:3, „триколорите“ се пласираа во ¼ финалето на ова СП. Франција поведе со голот на Гризман од пенал кој беше направен над Мбапе, а Аргентина израмни во финишот на првиот дел со прекрасен гол на Ди Мариа.
На стартот на вториот дел со голот на Меркадо , Аргентина дојде до предност, но таа траеше само неколку минути кога Павард со прекрасен волеј донесе ново израмнување, овој пат на 2:2. Само неколку минути муу беа потребни на Килијан Мбапе за да го покаже својот квалитет и со два брзи гола да и донесе предност на Франција од 4:2.
Во финишот од средбата Кун Агуеро успеа да постигне гол само за намалување на резултатот.