Француската фудбалска репрезентација е вториот финалист на Светското првенство во Катар, откако во полуфиналето го совлада Мароко со 2:0.
Без големо изненадување, „триколорите“ дојдоа до очекувана победа, иако Мароко повторно покажа дека не случајно стигна меѓу најдобрите четири селекции.
Светскиот шампион тргна агресивно и многу брзо во петтата минута, со голот на Тео Ернандез, поведе со 1:0. Во вториот дел Мароко имаше уште неколку фантастични можности, но не искористи ниту една.
Франција ја заврши работата во 79. минута. Мбапе одлично ја измеша одбраната на Монако, шутираше на подалечната статива, а таму резервистот Коло Муани погоди за зголемена предност од 2:0.
В недела во 16 часот во финалето Франција ќе се сретне со Аргентина, додека ден претходно во битка за бронзата ќе играат Мароко и Хрватска.