Натпреварот меѓу Италија и Македонија, во рамки од полуфиналето во баражот за Мундијалот 2022, ќе го водат француски судии.
Улогата на главен судија му припадна на Клемен Турпин. Негови помошници ќе бидат Никола Данос и Сирил Грињор. Во ВАР-собата ќе бидат француските интернационалци Жером Бризар и Делаж Вили, а Беноа Бастиен е поставен за четврти судија. Натпреварот Италија – Македонија ќе се одигра на стадионот „Ренцо Барбера“ во Палермо.
Италијанскиот фудбалски сојуз дозволи полн капацитет, па се очекува да имаат маскимална поддршка од домашните навивачи. Македонската репрезентација пристигна во Италија, каде ќе се обиде да направи ново чудо и да го изненади актуелниот европски првак Италија.