Германскиот шампионат ќе продолжи следната недела, пренесува агенцијата „Ројтерс“. Тоа треба да се случи на 15-ти мај – веројатно со традиционалниот натпревар во петок.
Официјално, сè ќе биде јасно утре кога канцеларката Ангела Меркел ќе ја објави следната фаза на за олабавување на мерките во земјата. Ова ќе биде прво значајно првенство што ќе започне повторно.
Фудбалерите од Бундеслигата веќе подолго време тренираат со строги мерки на безбедност, а вчера во тренинг процес се врати и екипата на Падерборн и тоа со целосна групна активност на фудбалерите. Веќе еднаш играчоте и спортско и техничкиот персонал на 36 клуба од двете Бундеслиги или вкупно 1724 луѓе имаат тестови на Ковид-19. Резултатите се повеќе од добри – само 10 се заразени, а повеќето од нив немаат никакви симптоми. Тие се изолирани и ќе поминат 14 дена во карантин. Имињата не се откриваат, но се знае дека тројца се од Келн – двајца фудбалери и еден физиотерапевт.
Секако дека натпреварите ќе бидат без публика. До крајот на сезоната остануваат уште 9 кола во елитата, како и три натпревари од Купот на Германија.