Македонската футсал репрезентација е во Бихаќ, БиХ каде игра контролни натпревари со селекцијата на Босна и Херцеговина.
Синоќа нашите репрезентативци одиграа одличен натпревар против домашната репрезентација и испуштија шанса да забележат победа откако натпреварот заврши нерешено 3:3. БиХ поведе со 1:0, но Македонија израмни на 1:1, па домашните играчи повторно дојдоа до предност од 2:1. Сепак тоа не ги откажа нашите репрезентативци кои направија пресврт и поведоа со 3:2, но не издржаа до крај и примија гол за израмнивање.
Головите за нашата репрезентација ги постигнаа Адријан Мицевски два и Даниел Де Соуза еден.
Македонија и Босна и Хецеговина денес ќе одиграат уште еден контролен натпревар во Бихаќ, а мечот ќе започне во 17 часот.