Тренерот на Пари Сен Жермен, Кристоф Галтие, зборуваше пред утрешното соочување на неговиот тим во Лигата на шампионите против Баерн Минхен.
Тој изјави дека не се чувствува под притисок по двата последователни порази на неговиот тим од Марсеј и Монако.Тренерот исто така беше дециден дека не е изненаден од враќањето на Килијан Мбапе, кој изненадувачки тренираше со тимот и се најде во групата на играчи за натпреварот, но сигурно нема да ризикува со неговото враќање на теренот.
„Воопшто не размислувам за мојата иднина. Секогаш има притисок кога го тренираш ПСЖ, уште повеќе пред натпревар во Лигата на шампионите, но јас не размислувам за иднината, само сум решен и дејствувам. Изненаден сум од враќањето на Килијан, да, но исто така сум свесен за неговата способност побрзо да се оддалечи од неговите проблеми. Тој направи се што е во негова моќ да биде во составот на тимот за овој натпревар. Тој тренира со тимот, ќе видиме како ќе се чувствува утре наутро. Ќе ја донесеме најмудрата одлука. Првиот човек што ќе го слушам ќе биде Килијан, тој нема да биде на клупата само за да ја пополни бројката“, изјави Галтие.