Марио Балотели се уште не заиграл во шпанската Ла Лига, но тоа може да се промени наредната сезона.
Според информација на италијанските медиуми, новоименуваниот тренер на Валенсија, Џенаро Гатузо е многу заинтересиран да го доведе Марио Балотели во клубот.
Според медиумите, италијанскиот тренер веќе го повикал Балотели за да се распраша за можноста, но засега нема индикации дека има некаков договор. Балотели моментално е под договор со турскиот прволигаш Адана Демирспор, а за него се распрашува и швајцарски Сион.