Тренерот на Милан, Џенаро Гатузо ги пофали своите играчи по победата со 2:0 над Наполи и обезбедениот пласман во 1/2 финалето од Купот на Италија.
Најголемите комплименти, сепак, беа за главниот јунак на натпреварот, Кшиштоф Пјатек, кој ги постигна двата гола за успехот на Милан.
„Им честитам на момчињата затоа што покажаа одлична игра против силниот тим на Наполи. Ние добро се браневме, а класата на Лукас Пакета и брзината на Саму Кастељехо создадоа предуслови за успех. И самиот Пјатек направи одличен потег при вториот гол. Тој е опасен напаѓач. Многу ми е драго, но сакам да им честитам на сите затоа што успеавме да се однесуваме како тим во тешките моменти. Пјатек ја направи разликата. На почетокот на сезоната игравме убав фудбал, но тогаш нашата одбраната беше доста пропустлива. Сега сме поцврсти. Пакета ни ја дава класата, и брзината ни ја дава Кастељехо. Целиот тим се подобрува. Мораме да продолжиме во овој дух и да бидеме цврсти во одбраната, а потоа можеме да бараме шанса за голови”, изјави Гатузо по вчерашниот натпревар.