Македонскиот освојувач на сребрен медал на ЛОИ во Токио, Дејан Георгиевски запиша нов голем успех на кој Македонија се гордее.
На Гранд при финалето во Саудиска Арабија, нашиот претставник го освои третото место. Бронзениот медал е уште еден показател за одличната форма во која што се наоѓа македонскиот таеквондист.
Геоегиевски запиша три победи и тоа над Мартинез од Шпанија, над Икарио од Бразил и над Душебаев од Казакстан. Со тоа дојде до историска бронза и нови 33 исклучително значителни бодови за исполнување на олимписката норма.
Чеик Сисе од Брегот на слоновата коска го освои златниот медал, а второто место му припадна на актуелниот светски првак Карлос Сансорес од Мексико.
После олимпиското сребро, овој медал има најголема вредност за македонското таеквондо секако, и за македонскиот спорт воопшто од како Македонија е независна држава.