Фудбалерот на Реал Мадрид Герет Бејл се спаси од казна поради неговиот начин на прослава на голот на мечот со Атлетико Мадрид.
Доколку тренерот на Реал Мадрид Сантијаго Солари одлучи ќе може да го користи Герет Бејл во двете претстојните изданија на „Ел Класико“, бидејќи одговорната комисија на Шпанската фудбалска федерација (FEF) одлучила да ја прекине истрагата против играчот за непристојниот гест при победата со 3:1 над Атлетико Мадрид, објави весникот „АС“.
Како што е познато, пред околу две недели Професионалната фудбалска лига на Шпанија се обрати до ШФФ за да го испита гестот на Герет Бејл кон навивачите на Атлетико по голот кој го постигна на тој натпревар. На Велшанецот му се закануваше казна помеѓу 1 и 12 средби, но тричлената комисија што го разгледуваше случајот, проценила дека нема потреба од такво нешто и ја прекина постапката.