Герет Бејл, кого не го планираат во Реал Мадрид за следната сезона, се врати во шпанската престолнина со повреда на коленото, објавија медиумите од Шпанија.
Велшанецот во неделата играше за својата репрезентација против Бугарија и го заврши натпреварот без никакви проблеми. Сепак, денес тој остана во теретана и вежбаше со играчите кои се со повреди.
Велшкиот репрезентативец се очекува да се сретне со челниците на кралскиот клуб во наредните денови и двете страни да постигнат договор за неговата иднина. Бејл не е во плановите на Зинедин Зидан, но тој има договор со Реал Мадрид и неговата висока плата е пречка за клубовите кои ги сакаат неговите услуги.
Иско, Марко Асенсио, Серхио Регилон и Маријано Дијаз исто така не тренираа со екипата поради повреди. Отсутни беа и Еден Азар, Лука Јовиќ, Рафаел Варан и Ферлан Менди, кои пристигнаа најдоцна од нивните репрезентации.
