Македонската одбојкарска репрезентација ги привршува подготовките во Скопје пред заминувањето за Шарлоа, каде в сабота во рамките на 4. коло од Златната Лига не пречекува селекцијата на Белгија. Пред заминувањето, гостин во нашата програма беше капитенот Никола Ѓорѓиев кој ги истакна очекувањата од второто гостување во групата.
„Имаме шанси, но сакам да видам како ќе реагираме на овој втор меч кој го играме на гостински терен. Ако дома го положивме испитот, сега да видиме како ќе играме и на гости. Украинците се најдобри во оваа група и сигурно ќе се борат за златото. Белгија иако е млада селекција, имаат одлични индивидуалци и одличен стратег како Занини. Ќе биде интересно, нема да имаме домашна предност, таа ќе биде на страна на Белгија, но публиката ќе биде и дополнителен притисок и за нив. Иако загубија од Украина со 3:0, сепак водеа во сите сетови. Ова е голем тест за нас, ние не сме фаворити, но одиме на победа“, вели во изјава за Спортското радио 90.3 фм, капитенот на нашата репрезентација, Никола Ѓорѓиев.
Комплетниот разговор можете да го проследите во програмата на Спортското радио 90.3 фм или на следниот ЛИНК