Бразилскиот фудбалски интернационалец, Нејмар, потврди дека нема намера да го напушти тимот на ПСЖ со што стави крај на шпекулациите дека ќе си замине од градот на светлината.
„Ме мотивираат само победите кои ги имам остварено во животот и кариерата. Знам какво е чувството да ја освоиш Лига на Шампиони и уверен сум дека повторно ќе го остварам тоа, но, како фудбалер на ПСЖ“ – потенцираше Нејмар кој се осврна и на приватниот живот надвор од стадионите.
„Сите знаеме како да поминуваме со фамилијата, пријателите или едноставно да се забавуваме. Пандемијата не натера да размислуваме различно“ – додаде фудбалерот на ПСЖ.

