Голманот на Австралија Метју Рајан им плати трошоците на 27 членови од своето семејство, за да го поддржат за време на натпреварот против Перу од СП во Русија.
Голманот кој игра за англискиот тим Брајтон, им обезбедил престој на своите блиски како знак на благодарност за нивната поддршка во текот на годините наназад. Најстариот член на неговото семејство е неговиот дедо, кој е во почетокот на 70-тите години, а најмладиот – неговиот братучед на 3 години.
„Ние сме заедно во текот на целиот живот. Тие биле сведоци на секоја жртва и на сè, кое требаше да го поминам. За среќа, животот кој го водам сега, ми дозволува да им вратам малку”, изјави Метју Рајан.
Австралија ќе игра со Перу утре во 16 часот на стадионот во Сочи.