Тренерот на Манчестер Сити, Пеп Гвардиола, одговори на прашање за можното заминување од клубот на напаѓачот Ерлинг Халанд, кој според шпанските новинари е незадоволен од климата во Англија и од животот во Манчестер.
„Немаме чувство дека Халанд е несреќен. Можеби шпанските медиуми, особено во Мадрид, имаат повеќе информации за оваа работа отколку ние“, изјави Гвардиола во изјава за инсајдерот Фабрицио Романо.
Да потсетиме, неодамна беше објавено дека Халанд и неговите претставници веруваат дека напаѓачот треба да ја продолжи професионалната кариера во Реал Мадрид за да се зголеми веројатноста за освојување индивидуални фудбалски награди за Норвежанецот.
Ерлинг Халанд оваа сезона постигна 19 гола и даде пет асистенции на 23 настапи за клубот во сите натпреварувања.

