Тренерот на Баерн Минхен – Јуп Хајнкес, оддаде почит на својот претходник Карло Анчелоти за шампионската титула на баварците која ја потврдија вчера.
Анчелоти ја започна сезоната на чело на Баерн, но во септември беше отпуштен по неубедливи игри и на негово место дојде Хајнкес кој го однесе тимот до рекордна шеста последователна титула во Бундеслигата.
„Тренерот носи одговорност на долг рок, но главните ликови се фудбалерите. Тие завршија извонредна работа. Сакам да кажам големо благодарам и на Карло Анчелоти за неговиот придонес, тој е одличен тренер”, коментирал по вчерашниот меч со Аугсбург и освојувањето на титулата , Јуп Хајнкес, тренерот на Баерн Минхен.