Норвешкиот напаѓач во екипата на Манчестер Сити, Ерлинг Халанд, благодарение на двата гола против Лидс, го надмина својот татко Алфа-Инге по голови постигнат во Премиер лигата.
Да потсетиме, „граѓаните“ го победија „Лидс“ со резултат 3:1 во натпреварот од 17. коло на англиската Премиер лига. 22-годишниот Норвежанец веќе постигна 20 гола во актуелната сезона од англискиот шампионат и го собори рекордот на својот татко кој имаше 18 постигнати голови. На таткото на Ерлинг Халанд му беа потребни 181 натпревар. Ерлинг тоа го направи на само 14 средби.
Да потсетиме, покрај 20 гола, на 14 натпревари Ерлинг Халанд оваа сезона во Премиер лигата имаше уште три асистенции. Манчестер Сити е на второто место на табелата во Премиер лигата со 35 бодови од 15 натпревари.