Напаѓачот на Борусија Дортмунд, Ерлинг Халанд нема намера да се пресели во Манчестер Јунајтед бидејќи се сомнева воуспешноста на проектот кој е замислен од раководството на клубот, објави „ESPN“.
Напаѓачот не е сигурен дека клубот одговара на неговите амбиции. Манчестер Јунајтед беше подготвен да ја повтори секоја понуда за трансфер, но Халанд не е заинтересиран за финансискиот дел од понудата. Фудбалерот е целосно фокусиран на спортската страна на прашањето. Затоа, тој сериозно размислува за потенцијална преселба во Манчестер Сити, каде што може да игра под водство на тренерот Пеп Гвардиола.
Трансферот на Халанд ќе го чини новиот клуб околу 350 милиони евра. Претходно се дозна дека договорот на Халанд со Борусија Дортмунд не содржи ослободителна клаузула во износ од 75 милиони евра. Оваа сезона Халанд учествуваше во 18 натпревари од Бундеслигата, постигна 16 голови и даде 5 асистенции.