Хрватската фудбалска репрезентација славеше во првиот натпревар на СП во Русија против селекцијата на Нигерија со 2:0.
Со оваа победа Хрватска покажа дека има репрезентација за висок дострел на ова СП, а по нерешениот резултат на Аргентина и Исланд во првиот натпревар од групата Д сега може да конкурираат и за првата позиција во оваа група.
Репрезентацијата на Хрватска успеа да дојде до водство на оваа средба прилично среќно. По корнерот кој што беше изведен , Манџукиќ ја зафати топката со глава, таа заврши на ногата на Крамариќ и се одби до Етебо кој си постигна автогол за водство на „коцкестите“ од 1:0 во 32.минута од натпреварот. Тоа беше резултатот со кој се отиде на одмор, а во второто полувреме на почетокот Хрватска имаше целосна контрола над играта и го одржуваше резултатот во своја полза.
Во 70.минута беше досуден пенал по прекршокот над Манџукиќ, а Лука Мондриќ беше сигурен реализатор за водство од 2:0.
Хрватите сега ги очекува дерби натпреварот со Аргентина кој го играат на 21.јуни и во овој меч ќе влезат со предност на табелата во однос на Аргентина, што значи дека притисокот ќе биде на страна на Аргентина.