Тотенхем размислува дали да се раздели со Антонио Конте за време на паузата, кога репрезентациите викендов ќе ги одиграат првите натпревари од квалификацискиот циклус за ЕП 2024.
Конте разговарал со сопственикот на Тотенхем, Даниел Леви, а во текот на разговорот менаџерот на Тотенхем рекол дека неговите критики не биле насочени кон клубот или кон сопствениците. Леви засега не брза да донесе одлука, бидејќи прво сака да ги разгледа сите опции, пишуваат британските медиуми.
Доколку е во прашање отказот на Конте, тогаш Рајан Мејсон најверојатно ќе биде ставен на испразнетото место до крајот на сезоната.
По ремито на Саутемптон, во кое Тотенхем прокоцка водство од 3:1, Конте го исфрли својот гнев и се нафрли на своите играчи:
„Мислам дека подобро е да влеземе во проблемот, ние не сме тим. Ние сме 11 поединечни играчи кои излегуваат на терен секој за себе.Гледам себични играчи, играчи кои не сакаат да си помагаат и не го вложуваат срцето во играта.Сезонава во споредба со минатата сега сме полоши во тој поглед. Кога не сте тим, не можете да се подобрите. Тие не сакаат да играат под притисок“, рече Конте.