Напаѓачот на Јувентус, Гонзало Игуаин објасни зошто го сменил бројот со кој настапува од почетокот на оваа сезона.
Да потсетиме, 31-годишниот напаѓач, откако во 2016 година дојде во таборот на „старата дама“ од Наполи, го носеше дресот со број 9. Минатата сезона, Гонзало играше на позајмица во Милан, а потоа и во Челзи. Откако се врати во Јувентус, го зеде дресот со број 21.
„Јас донесов оваа одлука да го сменам самиот број. Деветтака беше слободна, но решив да го земам број 21, затоа што тоа е роденденот на ќерка ми. Затоа што сакам да ја носам со мене на секој натпревар. Тоа беше избор на моето срце што веќе ми носи среќа“, изјави Игуаин
Оваа сезона, аргентинскиот напаѓач учествуваше на 2 натпревари на италијанската Серија А, во кои постигна 1 гол.