Капитенот на Интер Мауро Икарди е подготвен да потпише нов договор со клубот. Договорот ќе го поврзе напаѓачот со „Нероазурите“ до 2023 година.
Икарди ќе добие 7 милиони евра за сезона, сума на која ќе бидат додадени дополнителни бонуси. Сопругата на Икарди Ванда Нара, која е и негов агент, призна дека го разгледуваат предлогот на Интер , а то аго потврди на профилот на „Twitter“.
Сеуште не се знае што ќе се случи со откупната клаузула на Иакрди која е 110 милиони евра. Иако интересот од Реал Мадрид и Челзи сеуште постои, капитенот на Интер на неколку пати изјави дека сака да остане на „Џузепе Меаца”.
Пред неколку дена 25-годишниот напаѓач го одигра натпреварот број 200 во сите натпреварувања за Интер. Во овие дуели има постигнато 119 погодоци.