Напаѓачот на Атлетик Билбао, Инаки Вилијамс, потпиша нов 9-годишен договор со Баскијците!
Така, фудбалерот, кој минатата недела беше поврзан со Манчестер Јунајтед ќе биде дел од клубот до летото 2028 година. Неговата клаузула за ослободување е 135 милиони евра, така што клубот од „Сан Мамеш“ ќе добие добри пари ако некој сериозно го бара играчот.
Последниот пат кога Вилијамс го обнови својот договор беше во јануари 2018 година, но интересот за него очигледно ги натера челниците на клубот да ги променат условите на договорот, пред сè, да ја подигнат откупната клаузула.
„Јас сум многу среќен. Горд сум што продолжувам да бидам дел од овој одличен клуб. Ова е екипата за која сакам да играм, а во Билбао прават се за мене, за што ќе возвратам со работа и труд“, изјави Инаки Вилијамс.
25-годишниот напаѓач има 204 натпревари за клубот од Баскија во кои постигна 49 голови. 15 од нив ги реализираше минатата сезона, што беше најдобра досега и со кое привлече внимание кон себе.