Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Фудбал»Интер го пречекува Порто во првата осминафинална пресметка
    Фудбал

    Интер го пречекува Порто во првата осминафинална пресметка

    risteBy riste22/02/2023No Comments2 Mins Read
    Facebook Twitter Pinterest LinkedIn Tumblr Email

    Екипите на Интер и Порто вечерва се соочуваат на „Џузепе Меаца“ во првиот осминафинален натпревар од Лигата на шампионите, меч кој стартува во 21 часот.

    Домаќинот Интер ќе се надева дека ќе стигне до своето прво четвртфинале од 2010/11 година, кога загуби од Шалке 04.  Од тој натпревар Интер двапати беше исфрлен во осминафиналето – во 2011/12 од Олимпик Марсеј и минатата сезона од Ливерпул. Сега тимот беше во „групата на смртта“ заедно со Баерн (Минхен), Барселона и Викторија (Плзен). Заврши зад германскиот шампион, но беше пред Каталонците и Чесите и заврши на второто место во групата. Интер на трите домашни натпревари загуби од Баварците со 0:2, но победија против Барса и Викторија Плзен со 1:0 односно 4:0. Во Серија А се на втората позиција на табелата со 47 бодови или дури 15 помалку од лидерот Наполи.

    Во своите првенствени натпревари во текот на сезоната, миланскиот гигант има десет успеси и два порази.

    Гостите од Порто настапуваат многу успешно против италијанските екипи на европските турнири под водство на Серхио Консеисао. Тие веќе ги исфрлија Рома и Јувентус во осминафиналето на Лигата на шампионите во 2018/19 и 2020/21 година, а минатата сезона забележаа победа и нерешено против Милан во групната фаза пред да го елиминираат Лацио во Лигата на Европа. Порто сега се квалификуваа за осминафиналето на Лигата на шампионите, откако ја освоија својата група во која беа уште Клуб Бриж, Баер Леверкузен и Атлетико Мадрид. На домашните натпревари најпрвин загубија катастрофално од белгискиот шампион со 0:4, но потоа славеа над Баер Леверкузен  односно Атлетико Мадрид со 2:0 и 2:1. Во португалскиот шампионат тимот го зазема второто место со 51 бод или 5 помалку од лидерот Бенфика. Токму Бенфика  му го нанее единствениот домашен пораз во првенството на Португалија во текот на сезоната, а во преостанатите девет меча има само победи.

    Интер и Порто одиграа четири меѓусебни натпревари во Лигата на шампионите, сите во 2005 година. Пролетта италијанскиот тим забележа домашна победа и реми на гости, со што победи во осминафиналето, а есента двете селекции си размениле по еден успех на свој терен во групната фаза.

    Можни состави:
    Интер: Онана, Шкрињар, Ачерби, Бастони, Дармиан, Барела; Брозовиќ, Чалханоглу, Димарко, Мартинез и Лукаку.
    Порто: Диого Коста, Жоао Марио, Пепе, Маркано, Вендел, Грујиќ, Еустакио, Андре Франко, Пепе, Тареми и Тони Мартинез.
    Судија: Срѓан Јовановиќ (Србија)

    Share. Facebook Twitter Pinterest LinkedIn Tumblr Email

    Related Posts

    Македонија против Словенија го затвора неуспешното поглавје во Лигата на нациите Б -лига

    16/11/2026

    Англиската репрезентација постави рекорд по натпреварот против Шпанија

    16/11/2026

    Баерн Минхен бара дури 300 милиони евра за Мајкл Олисе

    16/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.